“Элэгний эмгэггүй Архангай” төслийн үр дүнг олон улсад танилцуулав


Нийтэлсэн: 2019-03-14 23:36:44

“Элэгний эмгэггүй Архангай” төслийн үр дүнг олон улсад танилцуулав

УИХ-ын гишүүн Г.Тэмүүлэн болон Архангай аймгийн Нэгдсэн эмнэлгийн эмч нар Филиппин Улсад болсон Ази, Номхон Далайн Элэг судлалын нийгэмлэгийн 28 дугаар хуралд оролцож, Архангай аймагт хэрэгжиж буй “Элэгний эмгэггүй Архангай” төслийн үр дүнгийн танилцуулгыг хийжээ.

Архангай аймгийн хэмжээнд 15-аас дээшхи насны 41836 хүн "Ц вирус"-ын илрүүлэгт хамрагдаж "Ц вирус"-ын идэвхжил илэрсэн 2379 хүнийг эрт үед нь оношилон, 5 тэрбум 290 сая төгрөгийн эмийг үнэ төлбөргүй өгч бүрэн эдгээж чадсан. Энэ нь Монгол Улсын 2000 гаруй өрх элэг бүтэн, эрүүл мэндийн, хөдөлмөрийн болон нийгмийн халамжийн санд учрах эрсдлийг бууруулж чадсан юм. Мөн элэгний хавдрын 49 тохиолдлыг илрүүлж, бүрэн эмчилсэн байна.

Олон улсын энэхүү хурлын үеэр "Элэгний эмгэггүй Архангай" төслийг гадны эмч, судлаачид, эрдэмтэд ихээр сайшааж Монгол Улс болон олон улсад элэгний хавдартай тэмцэх үйл хэрэгт үнэтэй туршлага болсоныг онцолжээ.

ХОЛБОО БАРИХ

Нутгийн захиргааны ордон Архангай аймаг Эрдэнэбулган сум

Утас: 7033-3231
Факс: 7033-3208
Цахим шуудан: arkhangai.gov@gmail.com